სასტუმრო “ბილტმორში“ საქართველოს ესთეტიკური მედიცინის მე-5 ნაციონალური კონგრესი გაიხსნა. მასში მონაწილეობას იღებენ ესთეტიკური მედიცინის დარგში მოღვაწე უცხოელი და ქართველი წამყვანი სპეციალისტები.
ორდღიანი კონგრესის პირველი სესია ჯანდაცვის მინისტრის მოადგილემ – ზაზა ბოხუამ და საქართველოს ესთეტიკური მედიცინის საზოგადოების პრეზიდენტმა – ეკატერინე უგრეხელიძემ გახსნეს. კონგრესზე ესთეტიკური მედიცინის სხვადასხვა მიმართულებით სესიები გაიმართა - დერმატო-ვენეროლოგია, პლასტიკური ქირურგია, უროლოგია, ესთეტიკური გინეკოლოგია და სხვ; დარგის წამყვანმა სპეციალისტებმა განიხილეს და კოლეგებს გაუზიარეს ესთეტიკურ მედიცინის უახლესი მიღწევები.
